"Milan" Ibraning o'rniga boshqa tajribali futbolchi topdi

"Milan" klubi "Sampdoriya" hujumchisi Fabio Kualyarellaga qiziqmoqda.

"Rossoneri" rahbariyati Zlatan Ibrahimovichning transferi amalga oshmaganidan so'ng 35 yoshli futbolchi nomzodiga e'tibor qaratdi.

"Milan" yanvar oyida tarkibini tajribali hujumchi bilan to'ldirmoqchi", - deya xabar beradi Sport Mediaset.

Tomonlar muzokaralarni boshlab yuborishgan. Gap futbolchini mavsum oxirigacha ijaraga olish borasida bormoqda. Kelishuv yana bir yilga uzaytirilishi htimoli ham bor.

Kualyarella A seriyaning ushbu mavsumidagi 14 o'yinda gol+pas tizimida 13 ochko yig'di (8 ta gol va 5 ta golga uzatma).

Italiya termasining sobiq futbolchisi "Milan"da Gonsalo Iguain va Patrik Kutronedan so'ng uchinchi hujumchi bo'lishga tayyor.