Flik Levandovskining jarohati haqida fikr bildirdi

Ispaniya La Ligasining shanba kungi "Selta"ga qarshi o'yinida "Barselona" kambek qayd etib, 1:3 hisobini 4:3 ko'rinishiga keltirdi. Shu bilan birga, o'yin oxirida kataloniyaliklar Robert Levandovskini yo'qotishdi - polshalik forvard jarohat oldi. Bu borada "ko'k-anorranglilar" bosh murabbiyi Xans-Diter Flik izoh berdi.

"Ertaga Levandovskini MRT qilishadi. Natijalarni kutish kerak, shunda biz uning jarohati haqida ko'proq bilib olamiz," - deya Flikning so'zlarini keltiradi Barca Universal.

"Barselona" navbatdagi o'yinni 22 aprel kuni La Liga doirasida "Malorka"ga qarshi o'tkazadi.