"Neftchi" ustozi: "Raqib g'alabaga loyiq edi"

"Neftchi" ustozi Vitaliy Levchenko "Paxtakor"ga qarshi bahsdan so'ng fikr bildirdi.

"Bir nima deyish qiyin. "Paxtakor"ni g'alaba bilan tabriklayman, ular g'alabaga loyiq edi. Raqib bizni mag'lub etgani yo'q, biz o'zimiz o'yinni yutqazib qo'ydik, sababi dastlabki goldan tashqari qolgan barcha uchta gol o'zimizning xatolarimiz tufayli bo'ldi.

To'pni yo'qotish va noto'g'ri paslar. Raqib tartibli o'ynadi va xatolarni kutdi. Afsuski, biz ko'p marotaba to'plarni yo'qotdik va raqib ushbu yo'qotishlardan unumli foydalandi va gollar urdi. "Paxtakor"ning bunday tartibli o'yiniga tayyor emas edik", – dedi murabbiy.