"Aston Villa" so'nggi 35 yil ichidagi o'z rekordini o'rnatdi

"Aston Villa" Angliya Premer-ligasining 33-turida "Nyukasl"ni tor-mor etdi (4:1).

Unai Emeri jamoasi Chempionlar ligasi yo'llanmasi uchun kurashidagi raqiblaridan birini mag'lub etdi. Opta'ning qayd etishicha, "Aston Villa" 35 yil ichida ilk bor barcha turnirlarda ketma-ket oltita uy uchrashuvida g'alaba qozonishga muvaffaq bo'ldi va har bir uchrashuvda ikki yoki undan ortiq gol urdi. 1990 yilda "Villa" buni ketma-ket 11 marta amalga oshirgandi.

Ayni damda "Aston Villa" Premer-liga turnir jadvalida 57 ochko bilan oltinchi o'rinda bormoqda. Birmingemliklar keyingi turda yana bir to'g'ridan-to'g'ri raqib - "Manchester Siti"ga qarshi maydonga tushadi.