Konte "Napoli"ni ogohlantirdi: "Men ahmoq emasman"

"Napoli" bosh murabbiyi Antonio Konte o'ziga xos uslubda yozgi transferlar davrida tarkibning jiddiy kuchayishiga umid qilayotganini ma'lum qildi.

"Men Neapolga o'rganib qoldim, oilam bilan bu erda baxtlimiz, ammo klubning ambitsiyalari bor va biz haqiqatga tik qarashimiz kerak. Meni ishga olganlarning barchasi: "Konte jamoa bilan birinchi yoki ikkinchi o'rinni egallashga qodir, hatto o'tgan mavsumda jamoa o'ninchi bo'lgan bo'lsa ham," deyishadi.

Biz skudetto uchun kurashyapmiz, Chempionlar Ligasiga chiqishning o'zi etarli emas, kutilmalar oshmoqda, shuning uchun imkoniyatlar ham oshishi kerak. Men ba'zi narsalarga kafolat bera olaman, lekin ahmoq emasman - buning uchun tegishli resurslar kerak," - dedi murabbiy DAZN'ga bergan intervyusida.