"Manchester Yunayted" Reshfordni "Aston Villa" yulduziga almashtirishi mumkin

"Manchester Yunayted" "Aston Villa" bilan futbolchilarini almashtirishga tayyor. Birmingemliklar qishda "qizil iblislar"dan Markus Reshfordni ijaraga olishdi. Bitim mavsum oxirigacha mo'ljallangan va sotib olish imkoniyatini nazarda tutadi, biroq "Villa" bu imkoniyatni faollashtiradimi yoki yo'qmi, hozircha noma'lum.

Football Transfers xabariga ko'ra, "Manchester Yunayted" "Villa"ga Reshfordni forvard Olli Uotkinsga almashtirishni taklif qilishi mumkin. Transfermarkt portali har ikki futbolchining narxini 50 mln evroga baholamoqda.

Reshford Unai Emeri jamoasi safida 16 ta o'yinda 3 ta gol va 6 ta golli uzatmani amalga oshirgan. Uotkins 48 o'yinda 16 ta gol urdi va 13 ta golli uzatmani amalga oshirdi.