Kompani "Bavariya"ga nima etishmayotganini aytdi

"Bavariya" bosh murabbiyi Vensan Kompani jamoaga qanday muammolar xalaqit berayotgani haqida gapirdi.

"Hamma gap tafsilotlarda. Bu mavsumda omadimiz kelganini aytish mumkin bo'lgan o'yinlar ko'p bo'lmadi - ehtimol, bir yoki ikki marta shunday bo'lgan. Raqiblardan o'yin nuqtayi nazaridan doim ustun bo'lib kelganmiz, ammo futbol - mayda detallardan iborat. Barcha turnirlarda g'alaba qozonish uchun hamma narsa birdaniga kelishi kerak. Hozirgi vazifamiz - Bundesligada g'olib chiqish, keyin esa keyingi mavsumda kubok turnirlarida ham muvaffaqiyat qozonish uchun ishlashda davom etamiz," - deya Kompanining so'zlarini keltiradi Bayern & Germany.