Simeone "Atletiko" muammosini aytib o'tdi

Madridning "Atletiko" klubi bosh murabbiyi Diego Simeone "Las-Palmas"dan uchralgan mag'lubiyatdan (0:1) keyin jamoasining o'yiniga baho berdi.

"Matraschilar" kutilmaganda La Liga autsayderlaridan biriga imkoniyatni boy berib qo'ydi va so'nggi daqiqalarda gol o'tkazib yubordi.

"Gap kayfiyatda emas - shunchaki yomon o'ynadik. O'yinni to'g'ri yo'lga qo'ya olmadik. Echim topishga harakat qilib, o'zgartirishlar kiritdim, lekin hech narsa chiqmadi. Ha, muammo ishga bo'lgan munosabatda emas, balki yomon o'yinda," - deya Simeonening o'yindan keyingi intervyusidagi so'zlarini keltiradi ispan OAV.