Maktominay "Napoli"ning "Inter" bilan chempionlik uchun kurashi haqida gapirdi

"Napoli" yarim himoyachisi Skott Maktominay "Montsa"ga (1:0) qarshi o'yindan keyin A Seriya chempionlik poygasi haqidagi fikrlari bilan o'rtoqlashdi.

72-daqiqada shotlandiyalik futbolchi yagona gol muallifiga aylandi. Neapolliklar ochkolar bo'yicha "Inter" bilan tenglashib oldi, ammo "neradzurrilar" hali o'z o'yinini o'tkazgani yo'q - ular yakshanba kuni "Bolonya" mehmoni bo'ladi.

"Biz shunchaki o'z ishimizni qilishda davom etishimiz, g'alaba qozonishda davom etishimiz kerak. Har birimiz ancha yaxshiroq o'ynay olamiz - bizda talabchan murabbiy bor, u har bir o'yinda buni kutadi. "Inter"ga bosim o'tkazishda davom etishimiz kerak. Ko'ramiz, bu nimaga olib kelishini," - dedi Maktominay intervyuda.