Rafinya "Barsa" uchun urgan 50-goli haqida fikr bildirdi

"Barselona" vingeri Rafinya Dias kataloniyaliklar uchun 50-golini urdi.

Braziliyalik futbolchi shanba kuni La Ligada "Selta"ga qarshi o'yinda dubl qayd etdi va bir marta golli uzatmani amalga oshirdi, bu esa "ko'k-anorranglilar"ga 4:3 hisobida g'alaba qozonishga yordam berdi. Uchrashuv davomida Xans-Diter Flik jamoasi 1:3 hisobida imkoniyatni boy berayotgandi.

Hal qiluvchi gol 98-daqiqada Rafinya tomonidan penaltidan kiritildi - bu gol futbolchi uchun yubiley bo'ldi.

"50-golim kambekimizni amalga oshirdi. Uch yildan kamroq vaqt ichida "Barselona" safida 50 ta gol urish men uchun o'zgacha, buni hatto eng katta orzularimda ham tasavvur qilmagandim. Qo'llab-quvvatlaganingiz uchun barchangizdan minnatdorman," - deya kataloniyaliklar hujumining 28 yoshli etakchisining so'zlarini keltiradi ispan OAV.