A seriya. Shomurodovning goli "Roma"ga "Verona" ustidan g'alaba keltirdi (video)

Mezbonlarning o'zbekistonlik hujumchisi Eldor Shomurodov o'yinni asosiy tarkibda boshladi va 4-daqiqadayoq hisobni ochdi. Eldor Shomurodov Sulening ajoyib uzatmasidan so'ng raqib darvozasini ishg'ol qildi.

Hamyurtimizning ushbu goli o'yinda yagonaligini saqlab qoldi va Rim klubiga 3 ochkoni taqdim etdi. "Roma" ushbu g'alabadan so'ng vaqtinchalik oltinchi o'ringa ko'tarilib oldi.

Shomurodov 82-daqiqada zaxiraga olindi. Uning o'rnini Stefan el-Shaaraviy egalladi.

Italiya A seriyasi, 33-tur
"ROMA" - "VERONA" - 1:0
Gol: Eldor Shomurodov (4)