"Inter" sobiq hujumchisi jamoasining "Barselona"ga qarshi o'yindagi imkoniyatlari haqida gapirdi

Milanning "Inter" klubi sobiq hujumchisi Aldo Serena jamoasining EChL yarim finali doirasidagi "Barselona"ga qarshi o'yinlari to'g'risida o'z fikrlarini bildirdi.

"Barselona"ga qarshi o'yinda, menimcha, "Inter"da imkoniyat bor.

Men "Borussiya Dortmund" – "Barselona" uchrashuvini tahlil qildim. "Barselona" juda baland himoya chizig'i bilan o'ynaydi, raqibga bosim qiladi va himoyada muammo tug'diradi.

Biroq ular orqada juda ko'p bo'sh zonalarni qoldiradi — bu esa ularga qarshi o'ynaydigan hujumchilar uchun katta imkon.

Markus Tyuram bu mavsum juda yaxshi rivojlandi. Uning tezligi va harakatchanligi "Inter" uchun hal qiluvchi qurol bo'lishi mumkin", - dedi 64 yoshli mutaxassis.