Bukayo Saka "Real"ni qiziqtirib qo'ydi

Angliya terma jamoasi va Londonning "Arsenal" klubi hujumkor yarim himoyachisi Bukayo Saka ispan grandi qiziqishlari doirasiga tushib qoldi. Todofichajes nashri tarqatgan xabarga ko'ra 23 yoshli vingerni Madridning "Real" klubi o'z safiga qo'shib olmoqchi.

"Qirollik klubi" rahbariyati Bukayoning Evropa Chempionlar ligasi chorak finalidagi o'yinlaridan hayratda qoldi. Eslatib o'tamiz, "Real" ikki o'yin natijasiga ko'ra "kanonirlar"ga 1:5 hisobida imkoniyatni boy berib, nufuzli turnirni tark etdi.

Saka "Arsenal" bilan 2027 yilning yarmigacha mo'ljallangan mehnat shartnomasiga ega. Uning transfermarkt portalidagi narxi 150 million evroga baholanmoqda.