"Liverpul" Nunes uchun kelgan har qanday taklifni ko'rib chiqadi

"Liverpul" hujumchisi Darvin Nunesning kelajagi joriy yilning fevral oyidan buyon o'zgargani yo'q. 25 yoshli urugvaylik futbolchi kelasi yozda klubni tark etishi kutilmoqda. Bunday ma'lumotlar bilan insayder Fabritsio Romano bo'lishdi.

Manbaga ko'ra, yaqin oylarda "Liverpul" Nunes bo'yicha har qanday takliflarni ko'rib chiqadi. Qayd etilishicha, futbolchining o'zi ham faoliyatidagi yangi chaqiriqlarga tayyor.

Nunes joriy mavsumda barcha turnirlarni hisobga olgan holda 42 ta uchrashuvda maydonga tushib, 7 ta gol urdi va 7 ta golli uzatmani o'z hisobiga yozdirib qo'ydi.