"Man Siti" angliyalik futbolchi uchun kurashda "Liverpul" va "Manchester Yunayted"dan oldinda

"Nottingem Forest" klubi hujumkor yarim himoyachisi Morgan Gibbs-Uayt "Manchester Siti"ga o'tishga yaqin turibdi. Bu haqda Mail Sport xabar berdi.

Manbaning yozishicha, "shaharliklar" Angliya terma jamoasi futbolchisi uchun kurashda "Liverpul" va "Manchester Yunayted"ni ortda qoldirib, peshqadamlik qilmoqda. Ta'kidlanishicha, "Manchester Siti" 25 yoshli futbolchini mavsum yakunlangach jamoani tark etadigan Kevin de Bryuynening o'rinbosari sifatida ko'rmoqda.

Angliya Premer-ligasining joriy mavsumida Gibbs-Uayt 28 ta uchrashuvda qatnashib, raqiblar darvozasini 5 marta ishg'ol qildi va 9 ta golli uzatmani amalga oshirdi.