Amorim yoshlarga tayanmoqchi

Ruben Amorim "MYu" yoshlari "Vulverxempton"ga qarshi o'yinda maydonga tushishini tan oldi.

Yakshanba kuni "Old Trafford"da APLning 33-tur o'yini bo'lib o'tadi.

"Menimcha, hozir mavsumdagi eng yaxshi vaqt emas va yosh futbolchilarni o'ynatish uchun ham eng yaxshi vaqt emas. Lekin hozir buni qilishimiz kerak va ba'zida kutilmagan hodisalar ro'y beradi.

Eyden Xeven yaqinda o'ynadi va rostini aytsam, biz buni jarohatlar tufayli qildik. Ammo hozircha, Eyden, menimcha, tarkibning o'yinchisi, agar u tayyor bo'lsa va raqobatga bardosh bera olsa, u o'ynashga tayyor.

Amass bugun juda yaxshi ish qildi. Chido Obi-Martin maydonga tushganida juda yaxshi harakat qildi.

Hozir qiyin vaziyat va yosh o'yinchilarning o'ynash vaqti emas, lekin agar biz ularni maydonga tushirishimiz kerak bo'lsa, biz buni qilamiz", - dedi "Manchester Yunayted" bosh murabbiyi.