"Arsenal" "Brentford" himoyachisi bilan shartnoma imzolashi mumkin

"Arsenal" "Brentford"ning 23 yoshli markaziy himoyachisi Natan Kollinzni diqqat bilan kuzatib bormoqda. Bu haqda TBR Football xabar berdi.

Manbaga ko'ra, "kanonirlar" Irlandiya Respublikasi terma jamoasi futbolchisini katta pul evaziga boshqa klublarga sotib yuborilishi mumkin bo'lgan Uilyam Saliba va Gabriel Magalyaynsning o'rnini bosuvchi futbolchi sifatida ko'rmoqda.

Kollinz joriy mavsumda barcha turnirlarda 36 ta o'yin o'tkazib, 2 ta gol urdi va 4 ta golli uzatmani amalga oshirdi. Futbolchining klub bilan amaldagi mehnat shartnomasi 2029 yilning yoziga qadar mo'ljallangan.