Sulsher: "Pogbadan maksimumni sug'urib olmoqchiman"

"Manchester Yunayted" bosh murabbiyi vazifasini bajaruvchi Ole-Gunnar Sulsher sobiq murabbiy Joze Mourino bilan chiqisha olmagan yarimhimoyachi Pol Pogba haqida fikr bildirdi.

"Pogba - jahon chempioni va ajoyib yigit. U yoshligidayoq bilan ishlab ko'rganman, Pol o'shanda ham tashvishsiz quvnoq yigitcha edi. Uning fe'li o'zgarmagan.

U yaxshi futbolchi bo'lib etishdi, albatta undan maksimum foydalanmoqchiman. Bizda mahoratli o'yinchilar keragidan ortiq, ulardan ham maksimumni sug'urib olmoqchiman va Pogba ham qolgan yigitlardan farq qilmaydi", - deydi Sulsher.

Sulsher Pogba bilan "Manchester Yunayted"ning o'rinbosarlari safida 2008 dan 2011 yilgacha ishlagan.